Индонезиялик етти ёшли Диҳан Авалидан бир кунда чекадиган сигаретлари сонини 16 донагача камайтирди. Бу ҳақда «Корреспондент.net» хабар бермоқда.
Ота-онасининг сўзларига кўра, уларнинг фарзанди авваллари бир кунда 60 донагача сигарет чека оларди.
Диҳаннинг оиласи фарзандининг кашандалигига қарши курашиш ҳаракатида, бироқ бола мактабда бўлган вақтда – у дўстлари билан бирга сигарет чекишини назорат қилиб бўлмаяпти.
Қайд этишларича, боланинг отаси ҳам, онаси ҳам ҳозирги кунга қадар сигарет чекиш одатини ташлаган эмас.
«Агар Диҳан чекмаса, йиғлашга тушади. Ҳозир у яширинча, уй ёнидаги гуруч даласига чиқиб чекмоқда», - деди Диҳаннинг 32 ёшли онаси Тати.
Болалар кашандалигига қарши Campaign for Tobacco-Free Kids ташкилоти маълумотларига кўра, Индонезия 10 ёшгача бўлган чекувчи болалар сони бўйича жаҳонда биринчи ўринда туради.
Изоҳ (0)