«Афросиёб» тезюрар поездининг қўшимча рейслари амалга оширилади

«Ўзбекистон темир йўллари» давлат акциядорлик темир йўл компанияси юқори қулайликларга эга «Афросиёб» тезюрар поездининг қўшимча рейсларини йўлга қўяди. Бу ҳақда компания матбуот хизмати хабар берди.

Қўшимча поездлар қатнови 2015 йил 10 апрелдан 10 майга қадар ҳафтанинг жума, шанба ва якшанба кунлари амалга оширилади.

Поездлар Тошкентдан соат 07:00 да, Самарқанддан соат 18:00 да йўлга чиқади. Сафар 2 соат 10 дақиқа давом этади.