Facebook’да Бейонсе исмли қизнинг ҳикояси оммалашиб кетди, дея хабар бермоқда TJournal. У машҳур «Нью-Йорк одамлари» (Humans of New York) блогида чоп этилган эди.
Одатда ушбу блог муаллифлари ўз қаҳрамонлари билан юзма-юз учрашиб, уларни расмга олади ва кичик интервьюча уюштиради.
Бейонсе блог вакилига баъзан ўз исмидан нафратланиб кетишини айтди. «Чунки мен уялчанг ва одамовиман. Исмим таниқли қўшиқчиникидек бўлгани учун эса ҳамма менга эътибор қаратади», — деди қиз ва ўзи тушган ёқимсиз вазиятларни мисол қилиб кўрсатди. Шунингдек, исми Бейонсе эканлигини эндигина билиб олганлар атайлаб қўшиқчининг биронта ашуласини хиргойи қила бошлашини, буни эса унинг жини суймаслигини таъкидлади.
Ушбу пост чоп этилганидан кўп ўтмай, унга кўплаб изоҳлар билдирилди. Уларда бошқа таниқли актёр ёки қўшиқчи билан бир хил исмга эга кишилар ўз дардларини достон қилиб кетди. Жумладан Мэри-Кейт Олсен, Уилл Смит, Кэти Холмс, Виктория Бекхэм исм-шарифли фойдаланувчилар ўз исмларидан шикоят қилди.
Изоҳ (0)