Ҳиндистон элчихонаси Тошкент, Самарқанд ва Қўқонда «Намасте Ўзбекистон» фестивалини ташкиллаштиради

Ҳиндистоннинг Ўзбекистондаги элчихонаси Тошкент, Самарқанд ва Қўқон шаҳарларида «Намасте Ўзбекистон» ҳинд маданияти фестивалини ташкиллаштиради, деб хабар бермоқда «Газета.uz».

Ҳинд мумтоз мусиқаси, анъанавий ва замонавий рақслар тақдим этиладиган фестивалнинг мусиқа ва рақс тадбирларига кириш бепул. Тошкентдаги тадбирлар учун таклифномаларни элчихонадан олиш мумкин, Самарқанд ва Қўқон учун эса жойлардаги ташкилотчилар билан боғланиш зарур.

Тошкентда 7 апрель куни «Туркистон» саройида ва 9 апрель куни Давлат консерваториясида, 5 ва10 апрель кунлари Самарқанд санъат коллежида, Қўқонда 8 апрель куни Ҳамза номидаги театрда тадбирлар ташкиллаштирилади.