Украина президенти Пётр Порошенко 4 мартда Донецкдаги Засядько номли конда бўлиб ўтган портлаш муносабати билан 5 мартни мотам куни деб эълон қилди. Бу ҳақда давлат раҳбари матбуот хизматига таяниб, «Корреспондент.net» хабар берди.
Нашрнинг эслатишича, 4 март куни эрталаб Донецкдаги Засядько конида портлаш рўй берди. Ҳалок бўлганларнинг аниқ сони номаълум, конни айирмачилар ўраб олган.
Олий Рада Спикери Владимир Гройсман аввалроқ 32 кончининг вафоти ҳақида хабар қилган эди. Кончилар касаба уюшмаси раиси Михаил Волинец эса 77 киши ҳалок бўлганини айтди. Донецк шаҳар маъмурияти маълумотига кўра, 157 нафар кончи қутқарилган.
Изоҳ (0)