Грецияда бўлиб ўтган кураш бўйича Ислом Каримов соврини учун халқаро турнирда мезбонлар ғолиб бўлди

Грециянинг Салоники шаҳрида миллий қадриятимиз кураш бўйича Ўзбекистон Республикаси Президенти Ислом Каримов соврини учун халқаро турнир бўлиб ўтди, деб хабар бермоқда «Olamsport». Анъанавий тарзда 2004 йилдан бери ўтказиб келинаётган ушбу мусобақа юбилей 10-маротаба ташкил этилди.

Греция кураш федерацияси ҳамда Европа кураш конфедерацияси ҳамкорлигида ўтказилган бу галги мусобақада икки вазн тоифасида ғолиб ва совриндорлар аниқланди. Мутлоқ вазн билан бирга -81 кг. вазн тоифасида ҳам баҳслар ўтказилди. Турнирнинг мукофот жамғармаси 9 минг АҚШ долларини ташкил этди. Ҳар икки вазнда ҳам грециялик полвонлар ғолиб бўлишди.

81 кг вазн тоифаси

1. Дэвид Сокоурида (Греция)

2. Мирман Иллиадис (Греция)

3. Мичал Мичалидис (Грузия)

3. Костан Саридис (Греция)

Мутлоқ вазн тоифаси

1. Мойзес Илиадис (Греция)

2. Василео Илиадис (Греция)

3. Павлос Гкараклов (Кипр)

3. Дэвид Гкараклидис (Грузия)