Гулистон шаҳридаги савдо дўконидан канцелярия молларини ўғирлаган шахс қўлга олинди

Гулистон шаҳрининг марказий деҳқон бозори ҳудудидаги бир хусусий тадбиркорга тегишли савдо дўконидан канцелярия моллари ўғирланди, деб хабар бермоқда «Постда» газетаси.

Воқеа жойига етиб келган ички ишлар идоралари ходимлари ҳолатни синчиклаб ўрганди. Суриштирувлар жараёнида ушбу ўғриликни муқаддам ҳам шундай қилмишлари учун жавобгарликка тортилган янгиерлик шахс содир этгани аниқланиб, қўлга олинди.