Рамзан Қодиров Чеченистонда жаҳон махсус хизматларининг олий тоифасини тайёрлайдиган марказ очмоқчи
Рамзан Қодиров ўзининг ижтимоий тармоқлардан биридаги саҳифаси орқали Чеченистоннинг Гудермес шаҳри яқинида жаҳон махсус хизматларининг олий тоифасини тайёрлайдиган ўқув мажмуаси очилишини маълум қилди, деб хабар бермоқда ТАСС.
«Халқаро марказда Россия ва бошқа мамлакатларнинг махсус хизматлари ва барча турдаги қўшинларининг махсус вазифаларни бажарувчи бўлинмалари тайёрланади. Бу ўзига хос тактик шаҳарчада гаровга олинганларни озод этиш ва террорчиларни йўқ қилиш бўйича машғулотларга мўлжалланган баланд уй-жойлар, мактаблар, шифохоналар, болалар боғчалари, кинотеатрлар қурилади. Марказда парашютдан сакраш, ўрмон, тоғ, сув ва бошқа шароитлардаги тайёргарликлар кўриш мумкин бўлади. Шунингдек, аэродинамик қувур ҳам қурилади», − деб ёзди Қодиров.
Қодировнинг таъкидлашича, бундай марказ Россияда биринчиси бўлади.
