АҚШнинг қатор коллеж ва университетлари раҳбарияти ноодатий эксперимент ўтказиб кўрди: талабаларга дарслар вақтида мобил телефонлардан фойдаланишдан буткул воз кечиш эвазига бепул тушлик ва бошқа турли чегирмалар таклиф этилди. Бу ҳақда «Российская газета» хабар берди.
Тажрибага рози бўлган минглаб талабалар смартфонларига махсус Pocket Points дастурини юклаб олди. У смартфоннинг қанча вақт давомида ишлатилмаганини ҳисоблаб, очко чиқариб беради. Ушбу балл эса талабаларга қандайдир мукофот келтиради.
Масалан, университетлардан бирида ўқувчилар йиғилган баллни талабалар китоб дўконида ишлатиши мумкин бўлди. Яна бошқа ўқув муассасасида улар тўплаган балл эвазига университет яқинидаги фирма дўконлари маҳсулотлари учун чегирмалар бериладиган бўлди.
Изоҳ (0)