Россиянинг Новосибирск шаҳрида ичида 15 нафар йўловчиси бўлган троллейбусни олиб қочган 35 ёшли эркак қўлга олинди, дея хабар бермоқда ТАСС Новосибирск вилояти ИИВ ББ матбуот хизматига таяниб.
Идора маълумотларига кўра, 30 январь куни троллейбус сўнгги бекатга етиб келганида эркак троллейбус ҳайдовчиси билан жангга киришган, уни кабинадан улоқтириб, рулга ўзи ўтирган ва троллейбусни ҳайдаб кетган.
Троллейбус Mercedes автомобили билан тўқнашиб кетгачгина тўхтаган. Воқеа гувоҳлари жиноятчининг қочиб кетишига йўл қўймаган. Бир неча дақиқадан сўнг ҳодиса жойига патруль-пост хизмати полициячилари етиб келган.
Унга нисбатан «Транспорт воситасига ғайриқонуний равишда эгалик қилиш» моддасида кўзда тутилган жиноятлар бўйича иш очилиши мумкин.
Изоҳ (0)