23 январь куни Рига циркида «Олтин Карл — 2015» Бешинчи Халқаро цирк фестивали старт олди, дея хабар бермоқда «Газета.uz». Фестивальда Ўзбекистон номидан Ўзбекистон давлат жисмоний тарбия институти иккинчи курс магистранти, пойтахт цирки артисти гимнастикачи Комила Ҳаметова иштирок этади.
Комила Ҳаметова 10 йилдан буён циркда фаолият юритади. 2010 йилда ҳаво гимнастикачилари Рустам ва Комила Ҳаметова Рига фестивалида биринчи ўринни эгаллаган эди.
Нашрнинг таъкидлашича, Рига цирки ҳар йили бутун дунёдан турли жанрлардаги энг яхши усталарни тўплайди. Иштирокчилар ижроларини халқаро ҳайъат аъзолари кузатади, улар таркибига Тошкент цирки директори Садриддин Қурбон ҳам киритилди.
Изоҳ (0)