Ўзбекистон Евросиё иқтисодий ҳамжамияти доирасидаги битимни бекор қилди

Ўзбекистон Евросиё иқтисодий ҳамжамияти доирасида жиноий жазолар ижроси соҳасидаги ҳамкорлик тўғрисидаги битимни денонсация (бекор) қилди, деб хабар бермоқда UzDaily.

Ўзбекистон Президенти Ислом Каримов «Халқаро шартномани денонсация қилиш тўғрисида»ги қарорни 2014 йил 13 декабрь куни имзолади. Президент Ташқи ишлар вазирлигига Ўзбекистон ушбу халқаро шартномани денонсация қилгани тўғрисида депозитарийга билдиришнома жўнатишни топширди.

Эслатиб ўтамиз, Евросиё иқтисодий ҳамжамияти доирасида жиноий жазолар ижроси соҳасидаги ҳамкорлик тўғрисидаги битим 2006 йил 30 июнь куни Беларусь пойтахти Минск шаҳрида имзоланган.