Иорданияда 8 йил ичида биринчи марта ўлим жазоси ижро этилди

Иорданияда саккиз йил ичида биринчи марта олий жазо ижро этилди, дея хабар бермоқда ТАСС қироллик ички ишлар вазирлигига таяниб. Ўлим жазоси қотиллик учун судланган 11 кишига нисбатан амалга оширилди.

Муассаса вакили Зиёд аз-Зоубий сўзларига кўра, 11 жиноятчининг барчаси «Олий жиноий суд томонидан қотилликни амалга оширишда айбланган».

Ҳукмни ижро этишда Олий жиноят судининг қатор хизматчилари, шунингдек Иордания пойтахти Амман бош прокурори иштирок этди.

Иорданияда ўлим жазоси сўнгги бор 2006 йил июнида ижро этилган эди.