Владимир Путин Россияда хорижий давлатлар махсус хизматлари фаоллашганини қайд этди
Россия президенти Владимир Путин мамлакат ҳудудида хорижий давлатлар махсус хизматлари фаоллашиб қолганини қайд этди, деб хабар бермоқда «Gazeta.ru».
«Контрразведка бўлинмаларидан юқори даражада эътибор ва сафарбарлик талаб этилади. Россияда иш олб бораётган хорижий давлатлар махсус хизматлари фаоллиги ошиб қолган. Жорий йилда фақат контрразведка хизмати томонидан чет мамлакатлар махсус хизматларининг 230 дан ортиқ ходимлари ва агентлари қўлга олинди», − деди Путин Хавфсизлик органлари ходимлари кунига бағишланган тантанали кечада.
Россия президенти давлат чегарасини қўриқлашга жиддий эътибор қаратиш лозимлигини таъкидлади. «Ташқи разведка хизмати олдида ҳам кўплаб вазифалар турибди, жумладан, эҳтимолий таҳдид ва хавфларни аниқлаш ва таҳлил қилиш соҳасида. Шунингдек, асосий халқаро вазиятларнинг хусусиятлари ва ривожланиш эҳтимолини ўрганишда ҳам уларнинг роли муҳим», − деди Путин.
