Шарқий Европа ва Марказий Осиёнинг энг яхши университетлари рейтингига Ўзбекистон ОТМлари кира олмади
Буюк Британиянинг Quacquarelli Symonds агентлиги томонидан эълон қилинган Шарқий Европа ва Марказий Осиёнинг энг яхши университетлари рейтингига Ўзбекистон ОТМлари кира олмади, деб хабар бермоқда «Uz24.uz».
Рейтингда биринчи ўринни Ломоносов номидаги Москва давлат университети эгаллаган бўлса, юзталикдан яна Россиянинг 26 та, Чехия ва Туркиянинг 10 тадан, Польшанинг 9 та ва Қозоғистоннинг 8 та олий таълим муассасалари ўрин олган.
ОТМлар иш берувчилар орасидаги мавқеси, хорижлик талабаларнинг ҳиссаси, илмий даражага эга ходимлар сони, ОТМ интернет ресурсларининг самарадорлиги, чоп этилган мақолаларнинг пофессор-ўқитувчилар таркибига нисбати каби мезонлар бўйича баҳоланган. Рейтинг Шарқий Европа ва Марказий Осиёнинг жами 30 давлатини ўз ичига олган.
