YouTube видеоларидан GIF суратлар яратиш имконияти тақдим этилди

YouTube’даги видеолардан GIF суратлар яртиш имконияти тақдим этилди. Бу ҳақда Gizmodo сайти хабар берди, деб ёзади «Пароль» нашри.

YouTube’да видеонинг 6 сонияли қисмидан GIF сурат олиш имконияти мавжуд бўлиб, бунинг учун видеони бўлишиш — Share тугмаси босилади ва GIF рукни танланади. Шундан сўнг видеонинг зарур қисми белгиланиб, GIF сурат ҳосил қилишга буйруқ берилади. YouTube эса видеодан тайёрланган GIF сурат учун линк тақдим этади.

Ҳозирда PBS Ides Channel каби айрим YouTube каналларида ушбу функцияни учратиш мумкин. Аммо яқин орада YouTube’даги барча видеолардан GIF суратлар олиш имконияти мавжуд бўлиши хабар қилинмоқда.

Шунингдек, «Пароль» нашрида қуйидаги мақолаларни ҳам ўқишингиз мумкин:

• 2015 йилда ишлаш тавсия қилинадиган энг яхши ўнта технология компанияси эълон қилинди;
• Xiaomi компанияси ҳавони тозаловчи қурилма ишлаб чиқара бошлади.