Лукашенко давлатлар бир-бирига санкция киритишига қарши чиқди

Белоруссия президенти Александр Лукашенко расмий Минск давлатлар томонидан бир-бирига нисбатан санкциялар киритилиши амалиётига қарши чиқишини маълум қилди, деб хабар бермоқда «Корреспондент.net».

«Беларусь давлатлар ўртасидаги босим ва мажбурлашдан ҳоли тенг ҳуқуқли ҳамкорликни қўллаб-қувватлайди. Биз ҳар қандай санкцияларнинг бекор қилинишини ёқлаймиз. Ахир улар одамлар турмуш даражасига тўғридан-тўғри таъсир қилади»,− деди Лукашенко.

Шунингдек, Белоруссия президенти баъзи давлатлар нафақат минтақавий жараёнларга таъсир ўтказишни, балки глобал кучлар мувозанатини ўзгартиришни истаётгани сабабли кескинлик ортиб, ҳамкорларга бўлган ишонч камаётгани ва санкциялар қарама-қаршилиги юзага келаётганини маълум қилди.