Собиқ разведкачи Эдвард Сноуден iPhone’дан воз кечганини ва Москва метросидан фойдаланаётганини маълум қилди

АҚШ Миллий Хавфсизлик Агентлигининг собиқ ходими Эдвард Сноуден Amnesty International ташкилоти томонидан ўтказилган Москва ва Париж ўртасидаги видеокўприкда иштирок этди, деб хабар бермоқда «РБК».

Унинг сўзларига кўра, ҳозир АҚШдаги ҳаётидан ягона фарқ − iPhone смартфонидан фойдаланмаётганидир. «Менда ҳаммаси яхши, оддий яшаяпман, ҳаттоки Москва метросидан фойдаланяпман», − деди Сноуден.

Интернетдаги кузатувларга қарши курашувчи Сонуден муаммо миллий хавфсизликда эмас, балки барчани истисносиз кузатадиган дастурлар яратилаётганлигида эканлигини эслатиб ўтди. Шунингдек, у ҳозирда веб-стандартларни ишлаб чиқиш лойиҳаси билан машғуллигини маълум қилди.