Ўзбекистонлик қўшиқчи Латвиядаги халқаро танловда ўзининг муаллифлик қўшиғи билан биринчи ўринни эгаллади

Ўзбекистонлик Саша Ли Латвиядаги Riga Symphony 2014 халқаро ёшлар танловининг «Муаллифлик қўшиғи» йўналиши бўйича биринчи ўринни эгаллади. Саша Ли ўзининг мазкур ғалабаси ҳақида «Mytashkent.uz» порталида маълум қилди.

Қайд этилишича, Саша Ли турли мамлакатлардан келган 200 дан зиёд ёшлар қатнашган танловда бастакор М. Отажоновга тегишли «Мой Ташкент» («Менинг Тошкентим») таронаси билан иштирок этган.

Шу тариқа, Саша Ли Riga Symphony 2014 танловининг лауреат учун дипломи билан тақдирланди.

Иштирокчиларни тақдирлаш маросими 7 октябрь куни Ziemeļblāzma Маданият саройида ташкил этилган Riga Symphony 2014 – Charity Gala концерт дастури билан биргаликда бўлиб ўтди.