Исроил бош вазири Беньямин Нетаньяҳу мамлакат парламенти − Кнессетни тарқатиб юбориб, муддатидан олдинги сайловларни яқин орада ўтказишга қарор қилди, деб хабар бермоқда «Вести.ru».

«Сайловларни муддатидан олдин ўтказиш − ёмон, бироқ ҳукуматда маҳкамага қарши ҳаракат қилувчи вазирларнинг бўлиши ундан ҳам ёмон», − деди Нетаньяҳу. У ҳозирги ҳукуматни ортиқ давлатни бошқара олмайди деб ҳисоблашини маълум қилган. Кнессетда ўз-ўзини тарқатиб юбориш тўғрисида овоз бериш бугун, 3 декабрдаёқ ўтказилиши мумкин.

Нетаньяҳу ҳукуматнинг икки нафар аъзосини лавозимидан озод қилишга улгурди. Адлия вазири, «Ха-Тнуа» партияси еткачиси Сипи Ливни ҳамда молия вазири, «Еш атид» партияси етакчиси Яира Лапиданинг истеъфосини бош вазир танқид утфайли деб изоҳлаган.

Нетаньяҳунинг ғазабланишига Исроилга яҳудий миллатининг давлати мақомини бериш тўғрисидаги қонун лойиҳасига кўрсатилган қаршилик сабаб бўлган. «Ликуд» ва «Бизнинг уйимиз − Исроил» партиялари ушбу ҳужжатга конституциявий қонун мақомини беришни истамоқда.

Араб тилини Исроилда давлат тили мақомидан айирадиган ушбу қонун лойиҳаси Исроилнинг апартеид давлат (ирқчилик расмийлаштирилган) айланишига олиб келиши мумкинлиги айтилмоқда.