Яқинда Андижон шаҳридаги хонадонлардан бирида портлаш юз берди. Бу ҳақда Ўзбекистон Ички ишлар вазирлигининг «Постда» газетасига таяниб, «Кун» хабар бермоқда.
Шаҳарнинг Бўстон мавзесида жойлашган хонадонлардан бирида маиший газнинг тўпланиб қолиши натижасида портлаш юз берган.
«Бунга ошхонадаги газ кранининг носозлиги сабаб бўлган. Уй бекаси буни пайқамай, гугурт чаққан», — дейилади ИИВ газетасида.
Қайд этилишича, аёл куйиш жароҳатини олиб, шифохонага ётқизилган.
Маълумот учун, 2014 йил бошидан бери Андижон вилоятида 796 та ёнғин қайд этилган бўлиб, натижада 10 киши ҳалок бўлган, 30 киши турли даражада тан жароҳати олган.