Швейцария президенти Марказий Осиёни Осиё ва Европа ўртасидаги кўприк деб атади
Марказий Осиё Осиё ва Европа ўртасидаги кўприк сифатида муҳим рол ўйнайди. Бу ҳақда минтақага қилган тўрт кунлик сафари якунлари бўйича Швейцария Конфедерацияси президенти ва ташқи ишлар вазири, Европада хавфсизлик ва ҳамкорлик ташкилотининг амалдаги раиси Дидье Буркхальтер айтиб ўтди, деб ёзади UzDaily.
Нашрнинг эслатишича, Буркхальтер 19—22 ноябрь кунлари Туркманистон, Қозоғистон, Ўзбекистон, Тожикистон ва Қирғизистонга ташриф буюрди. У Марказий Осиё давлатлари раҳбарлари билан ЕХҲТнинг минтақадаги фаолиятини ҳамда ЕХҲТ минтақасидаги хавфсизлик масалаларини, жумладан Украинадаги инқирозни муҳокама қилди.
Дидье Буркхальтер минтақа катта потенциалга эга эканлигини айтди. Унинг таъкидлашича, бу ерда иқтисодий ва экологик соҳалардаги ҳамкорлик орқали хавфсизликни мустаҳкамлаш учун ЕХҲТдан янада кенгроқ фойдаланиш имконияти бор.
