Ака-ука Зафар, Илҳом ва Дилшод Исмоиловлар Москвада «Плов номер 1» («Биринчи рақамли палов») МЧЖ компаниясини очиб, палов етказиб бериш хизматини йўлга қўйди. Бу ҳақда Index.uz хабар берди.
«Шарқда шундай анъана бор: эркаклар кўпинча ҳафтанинг пайшанба кунлари ош еб, доно фикрлар билан бўлишиш учун йиғилади, — деди Илҳом Исмоилов. — Биз Москвада ҳам бу ҳақда унутиб қўймадик».
«Плов №1» интернет-ресторани 2013 йил ноябрида ишлай бошлади. Ўша пайтда таомномада 1 порция ош ва сомсадан иборат ягона вариант мавжуд бўлган бўлса, бугунги кунда ундан уч турдаги ош ўрин олди. Булар классик ўзбекча палов, байрам палови (майиз ва зира қўшилган) ҳамда вегетарианча палов, шунингдек сабзавотлардан ассорти ва ўзбекча обинондир.
Ресторан асосчиларининг таъкидлашича тез орада шарқона ширинликлар, салатлар ва сомсалар ҳисобига таомнома янада ранг-баранг бўлади.
Ҳозирда «Плов №1» кунига ўртача 1,7 минг рубллик 50 та буюртма қабул қилмоқда. Ака-ука Исмоиловлар йил охиригача ушбу кўрсаткич кунига 100 та буюртмагача етишини прогноз қилмоқда.
Изоҳ (0)