Нидерландиянинг Хаагсберген шаҳрида бўлиб ўтган автошоудаги авария натижасида 3 киши, жумладан бир бола ҳалок бўлди ва 15 киши жароҳат олди, деб хабар бермоқда «Сегодня».
Жароҳатланганларнинг барчаси шифохоналарга етказилган, улардан камида 5 нафарининг аҳволи оғир деб баҳоланган. Шаҳар маъмурияти ишонч телефонини йўлга қўйган бўлиб, истаган одам автошоуда қатнашган қариндошларининг аҳволи тўғрисида маълумот олиши мумкин.
Фожеа сабаби ҳалигача маълум қилинмаган. Дастлабки тахминларга кўра, махлуқ-машина (улкан ғилдиракли автомобиль) ҳайдовчиси бошқарувни қўлдан чиқарган.
Изоҳ (0)