Жанубий Кореянинг Инчеон шаҳрида давом этаётган 17-Осиё ўйинларининг саккизинчи кунги мусобақалари ўз якунига етиб бораётган бир паллада Ўзбекистон терма жамоаси медаллар жамғариш бўйича умумжамоа ҳисобида 15-ўринга кўтарилиб олди, деб хабар бермоқда «Olamsport».

Ҳозирча Ўзбекистон ҳисобида битта олтин, тўртта кумуш ва саккизта бронза — жами 13 та Осиё ўйинлари медали бор. Хитой терма жамоасининг олтин медаллари сони 95 тага етган. Шунингдек, уларда 53 та кумуш ҳамда 39 та бронза медаль ҳам бор. Умумий медаллари сони 187 тани ташкил этмоқда.

Иккинчи ўринда бораётган мезбонлар ҳисобида 117 та медаль мавжуд. Шулардан 35 таси олтин, 42 таси кумуш, 40 таси бронза медалдир. Кучли учликка 30 та олтин, 43 та кумуш, 37 та бронза медалга эга Япония терма жамоаси якун ясаган. Қозоғистон терма жамоаси сафидаги Осиё ўйинлари чемпионлари сони тўққиз нафарга етди. Шунингдек, уларнинг ҳисобида 10 та кумуш, 17 та бронза медаль мавжуд.

Бугунгача 20 та давлат терма жамоалари камида битта олтин медалга эга бўлиб улгурди. 30 та давлат терма жамоалари ғазнасида эса камида битта бронза медаль бор.