ФИФА рефериси Равшан Эрматов бригадасига ФИФА томонидан медаллар берилгани ҳақидаги хабарлар медалнинг «олтин»лиги айтилгани ҳолда турли ОАВларида бошқача талқин қилинган. Бу ҳақда Ўзбекистон футбол федерацияси расмий сайтида маълум қилинди.
ФИФА, ҳақиқатан ҳам, Равшан Эрматов бошчилигидаги ҳакамлар бригадасига Жаҳон чемпионати медалини берган.
Равшан Эрматовнинг ЎФФ матбуот хизматига хабар беришича, Жаҳон чемпионатида ҳакамлик қилиш ҳуқуқини қўлган киритган барча ҳакамларга мундиалдаги иштироки учун эсдалик сифатида махсус сувенир берилган. Унинг финал учрашуви ҳакамларига бериладиган медалга умуман алоқаси йўқ.
Жаҳон чемпионати финалини бошқарган ҳакамлар бригадаси эса алоҳида олтин медаллар билан тақдирланган.