Андижон вилояти Булоқбоши тумани ҳуқуқни муҳофаза қилиш органлари ёш аёлнинг ўз фарзандини ўлдириши ҳолати юзасидан суриштирув олиб бормоқда. Бу ҳақда «Постда» газетасига асосланиб, Gazeta.uz хабар бермоқда.
Хабарда қайд этилишича, Маржона исмли ёш аёл туғруқхонага мурожаат қилганидан сўнг муассаса ходимлари 17 май куни милицияга қўнғироқ қилган.
Аёл шифокорларга 12 май куни опасининг уйига келиб, у ерда ўғил фарзанд дунёга келтиргани, сўнг чақалоқни целлофан халтага ўраб, ҳожатхона учун қазилган ўрага ташлаб юборганини маълум қилган.
Милицияга берилган хабардан сўнг жасад олиб чиқилган. Ҳозирги вақтда эса тергов-суриштирув ҳаракатлари олиб борилмоқда, деб ёзади «Кун».
Бу воқеадан қизнинг опаси хабардор бўлганми-йўқми, буниси ҳам аниқлаштирилмоқда.
Изоҳ (0)