Федерал қидирув бюроси АҚШ, Канада ва Евроиттифоқнинг баъзи мамлакатларида ўтказилган глобал қидирувлар натижаларини эълон қилди. Унга кўра, ярим миллиондан зиёд компьютер фойдаланувчилари зарар кўрган, юзлаб хакерлар ҳибсга олинган. Жиноятчилар бир неча йиллар давомида хакерлик дастурлари орқали банк фирибгарлиги ва товламачилик билан шуғулланиб келган. Бу ҳақда Euronews хабар берди.
Нью-Йорк жанубий округи прокурори Прит Бхараранинг айтишича, бор-йўғи 40 доллар эвазига Blackshades дастурини сотиб олиб, дунёнинг исталган бурчагида кибержиноятчига айланиш мумкин эди. Blackshades фойдаланувчиларга узоқдан туриб ҳар қандай кишининг компьютеридаги маълумотларни: шахсий суратлар, ҳужжатлар ва ҳатто онлайн паролларини қўлга киритишига имкон берган.
Ушбу дастур бир неча йиллар давомида АҚШда хакерлик форумларида сотилган.
Изоҳ (0)