2014 йил 14 майдаги «Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида»ги қонун билан Хўжалик процессуал кодексига қўшимча ва ўзгартишлар киритилди. Бу ҳақда Norma.uz хабар берди.
Уларга кўра, 2014 йил 1 сентябридан бошлаб хўжалик судининг мажлиси видеоконференцалоқа режимида ўтказилиши мумкин. Шу билан бирга, ишни ёпиқ мажлисда видеоконференцалоқа режимида кўришга йўл қўйилмайди.
Суд мажлисининг видеоконференцалоқа режимида ўтказиш билан боғлиқ харажатларнинг суммаси хўжалик суди томонидан белгиланади ва ишда иштирок этувчи шахслардан ишни кўриб чиқиш натижалари бўйича ушбу Кодекснинг 95-моддасига мувофиқ ундирилади.
Энди хўжалик суди тайинлаган экспертизани ўтказиш, гувоҳни чақириш, далилларни ўз жойида кўздан кечириш учун тўланиши керак бўлган суммага суд мажлисини видеоконференцалоқа режимида ўтказиш билан боғлиқ харажатлар ҳам қўшилади.
Қонунда бошқа ўзгартиш ва қўшимчалар ҳам назарда тутилган.
Изоҳ (0)