Колумбия шимолида автобус ёниб кетиши натижасида ҳалок бўлган болалар сони 31 тага етди. Бу ҳақда Gazeta.ru хабар берди.
Таъкидланишича, яна 25 киши жароҳат олган.
Автобус Фундасён шаҳрида ўтказилган черков тадбиридан сўнг бир гуруҳ болаларни Боскония шаҳрига олиб кетаётган бўлган.
Фундасён мери Стелла Дюран транспорт воситасида 40 дан 50 гача болалар бўлгани, уларга фақат ҳайдовчи ҳамроҳлик қилганини айтган.
Автобус нима сабабдан ёниб кетгани ҳақида хабар берилганича йўқ.
Изоҳ (0)