Япониянинг Киото университети мутахассислари дунёда биринчи ўпкани кўчириб ўтказиш бўйича операцияни амалга оширишди. Унинг ўзига хослиги шундаки, аёлнинг чап ўпкаси бир бўлаги ўрнига унинг турмуш ўртоғи ўзининг ўнг ўпкаси бир қисмини берди. Бу ҳақда «ИТАР-ТАСС» хабар берди.
Операцияга тайёргарлик кўп вақтни олди. Шифокорлар 3D-принтер ёрдамида донор ва қабул қилувчига тегишли ички органларнинг йирик моделларини яратишди. Унда мутахассислар амалиётга киришишдан аввал кўп бора машқ ўтказишди.
Айни пайтда эр-хотинлар соғлиғи яхшиланмоқда. Улар шифохонадан чиқарилган. Операциядан сўнг ҳеч қандай асоратлар қайд қилинмаган.
Мутахассисларнинг ишонч билдиришича, қарама-қарши ўпка қисми трансплантациясининг муваффақиятли кечгани минглаб хасталарга умид беради. Бундан аввал мос донорлик ўпкасини топиш мумкин бўлмагани сабабли кўплаб беморларга ушбу органни кўчириб ўтказиш бўйича операцияга розилик беришмаган.