Ўзбекистонлик абонентлар телефонига спам SMS-хабар келаётгани ҳақида огоҳлантирди. Бу ҳақда фойдаланувчилардан бири Facebook’даги «Potrebitel.Uz» гуруҳида маълум қилди. SMS-хабарда «Салом, сенга расмлар бор», деган жумла билан линк келтирилган. Бу линкка кирган заҳоти ушбу хабар телефон контактида бор рақамларга автоматик тарзда тарқалади ва абонент ҳисобидан пул ечиб олади.
Бу ҳақда Beeline расмий сайтида рус тилида эълон қилинган. Бундай огоҳлантириш сайтнинг ўзбек тилидаги кўринишида мавжуд эмас.
Шундай SMS-хабар олган абонентларга уни очмасдан ўчириб ташлашни тавсия қиламиз.
Изоҳ (0)