Украина мудофаа вазирлиги сешанба куни Краматорск яқинида ўтказилган ҳарбий операциялар акс эттирилган ўз видеоёзувларини тарқатди. Бу ҳақда Euronews хабар берди.
Ҳукумат аввалроқ етти нафар ҳарбий ходимини россияпараст активистлар билан тўқнашувда йўқотгани ҳақида хабар берган эди. Бироқ видеолавҳада бу ҳақда ҳеч нарса айтилмаган. Украина ҳарбий идораси эса халқ аскарларидан камида бир киши ҳалок бўлиб, яна тўрт киши яраланганини маълум қилган.
Тўқнашув ҳақида гапирар экан, айирмачилар Украина ҳарбий тузилмалари колоннаси йўлини тўсиб, БТР ва ўқ-дорилар ортилган машинани йўқ қилганини айтишган.
Киевнинг хабар қилишича, зирҳли техникаларга граната отадиган ва ўқ қуроллари билан ҳужум қилинган.
Кейинроқ ташқи ишлар вазирлиги вазиятга аралашиб, Краматорск яқинида Украина армияси БМТ белгиси туширилган вертолётлардан фойдалангани учун норозилик билдирди. Киев эса бу маълумотни рад этди.
БМТдагилар ушбу маълумотни текширишини айтиб, ташкилот белгиси бўлган техникадан фақат унинг рухсати билан фойдаланиш мумкинлигини таъкидлади.