Sony Xperia Z1 Compact апрель ойида энг кўп сотилган смартфон бўлди

Швециянинг мобил қурилмалар учун ғилоф ишлаб чиқарувчи Krusell компанияси 2014 йил апрель ойида энг кўп сотилган смартфонлар анъанавий рейтингини эълон қилди. Бу ҳақда mobinfo.uz хабар берди.

Krusell рейтинги дунёнинг 70 мамлакатида сотиладиган турли мобил аксессуарларга қараб тузилади. Апрель ойида ушбу рўйхатда Sony Xperia Z1 Compact етакчилик қилди. Унган кейинги ўринларни ўтган ойга қараганда бир поғонадан юқорилаган Samsung Galaxy S5 ва iPhone 5 эгаллади.

Мартда бор-йўғи 9-ўринда бўлган HTC One М8 эса кескин тарзда 4-ўринга чиқди. Nokia Lumia 1320 ўз ўрнида (5-ўрин) қолди. Ўнталикнинг қолган поғоналарини Sony Xperia М2, Sony Xperia Z1, Nokia Lumia 630, Lenovo А369i ва Sony Xperia E1 банд қилди.

Sony Xperia Z1 Compact Ўзбекистонда 1,6 миллион сўмга сотилмоқда.