Донецк вилоятидаги референдумда республиканинг мустақиллигини ёқлаб 89,7 фоиз сайловчилар овоз берди. Бу ҳақда Марказий сайлов қўмитаси раиси Роман Лягин сўзларига таяниб, «РИА Новости» хабар берди. Қарши овоз берганлар эса, дастлабки маълумотларга кўра, 10,19 фоизни ташкил этди. Бюллетенларнинг 0,74 фоизи яроқсиз деб топилди.
«ИТАР-ТАСС» маълум қилишича, ушбу ҳисоб-китоблар расмий маълумотларга таянмаган, сайлов участкаларида овозларни ҳисоблаш энди бошланган. Овоз беришнинг якуний протоколи душанба кунининг ўрталарида тайёрланади.
Донецк вилоятидаги референдумда овоз берувчиларнинг 74,87 фоизи, Луганск вилоятида эса 81 фоизи қатнашди, улар қайтадан тузилган республиканинг давлат мустақиллиги ҳақидаги саволга жавоб берди.
Референдум хавф-хатарли вазиятда ўтди, бир нечта шаҳарларда Украина Миллий гвардияси жангарилари овоз бериш жараёнига ҳалал беришга ҳаракат қилди. Донецк вилоятидаги Красноармейск шаҳрида отишмалар натижасида икки киши ҳалок бўлди. У ердаги референдум муддатидан аввал тугатилди. Бунга сайлов участкалари жойлашган мактабнинг ҳарбийлар томонидан эгаллаб олингани сабаб бўлди.
Изоҳ (0)