3 май куни Тошкентда жойлашган «Ўзбекистон» спорт мажмуасида таэквондонинг ITF йўналиши бўйича соҳибқирон Амир Темур хотирасига бағишланган Ўзбекистон очиқ чемпионатига старт берилди. Бу ҳақда UzReport хабар берди.
Мазкур мусобақа Маданият ва спорт ишлари вазирлиги, Ўзбекистон таэквондо миллий ассоциацияси ҳамда Шарқ яккакурашлари ва жанг санъатини ривожлантириш маркази томонидан ўсиб келаётган ёш авлод ўртасида соғлом турмуш тарзини тарғиб қилиш, ёш иқтидор эгаларини ҳар томонлама қўллаб-қувватлаш, моҳир таэквондочиларни терма жамоаларимизга жалб қилиш мақсадида ташкил этилди.
Бўлиб ўтаётган мусобақада Ўзбекистоннинг барча вилоятларидан ҳамда Россия ва Қозоғистондан келган 500 дан ортиқ спортчи иштирок этмоқда.
Чемпионатнинг очилиш маросимида сўзга чиққан вазирлик ҳамда ташкилот раҳбарлари, иштирокчиларга омад тилаб, мусобақага ташриф буюрган вакилларни ташаккурнома ҳамда қимматбаҳо совғалар билан тақдирлади.
Мусобақа ғолиблари беллашувлар сўнгида аниқланади ва татамига чиққан энг яхши таэквондочилар Ўзбекистон терма жамоасига саралаб олинади.
Изоҳ (0)