Мадриднинг «Атлетико» клуби ҳужумчиси Диего Коста Лондоннинг «Челси» жамоасига ўтишга розилик берди, деб ёзади Uff.uz.
25 ёшли футболчи «Челси»га умумий қийматда 75 миллион фунт стерлингга тушиши кутилмоқда. Бу маблағ ўз ичига Диего Костанинг трансфер қиймати ва маошини ҳам олган. «Челси» ҳужумчи учун «Атлетико»га 35 миллион фунт стерлинг тўлайди, аммо бу маблағнинг аксарият қисми агент хизмати учун кетади.
Футболчининг ўзига эса «Челси» беш йиллик шартнома ва ҳафтасига 150 минг фунт стерлинг маош ваъда қилган.Эслатиб ўтамиз, Коста Испанияда ҳафтасига 50 минг фунт стерлинг даромад қилади.
Изоҳ (0)