АҚШ бошқа давлатларда Америка учувчисиз самолётлари урилиши натижасида ҳалок бўлган инсонлар ҳақидаги маълумотларни ошкор қилмоқчи эмас. Бу ҳақдаги хабарни АҚШ давлат котибининг жамоатчилик билан алоқалар бўйича ёрдамчиси Дуглас Франс тасдиқлади, деб ёзади «ИTАР-ТАСС».
New York Review of Books журналининг аввалроқ маълум қилишича, АҚШ қирғин қуроли ишлатадиган Покистон ва бошқа мамлакатларда ҳалок ва майиб бўлганлар сони ҳақидаги йиллик ҳисоботни назарда тутувчи қонун лойиҳаси Сенат томонидан тасдиқланмаган.
Бироқ Афғонистон, Покистон, Яман ва бошқа давлатларда АҚШ ҳаво ҳужуми қурбонлари ҳақидаги хабарлар барибир ОАВга чиқиб кетади ва Вашингтон обрўсига путур етказади. «Шундай экан, бундай фош қилишларни кутиб ўтирмай, АҚШ ҳукуматининг ўзи бундан хабардор қилиб қўя қолса бўлмайдими?» — деган саволга жавобан, Дуглас Франс дунёнинг турли ҳудудларида учувчисиз самолётларни қўллаш операцияси АҚШ миллий хавфсизлиги учун ўта муҳим бўлган ишнинг бир қисмилиги, бу операцияга тегишли тафсилотлар ва фактлар махфий қолиши кераклигини таъкидлади.
Изоҳ (0)