2013 йили «Навоий» иссиқлик электр станцияси очиқ акциядорлик жамиятида янги буғ-газ қурилмасининг ишга туширилиши туфайли 366 миллион кубометр газ тежалди. «Халқ сўзи» газетаси хабарига кўра, шунинг баробарида 3,49 миллиард киловатт соат электр энергияси истеъмолчиларга етказиб берилган.
Аввалроқ, жамият таркибида 627 миллион долларлик янги, қуввати 450 мегаваттга тенг бўлган иккинчи лойиҳа устида иш олиб борилаётгани ҳақида хабар берилган эди.
«Кун»нинг ёзишича, Япония халқаро ҳамкорлик агентлиги билан биргаликда бунёд этилаётган замонавий қурилма ёрдамида электр энергияси ҳамда 200 миллион гигакалория ҳажмида иссиқлик қуввати ҳам ишлаб чиқарилади.
Маълумот учун: «Навоий» ИЭС 1963 йилда фойдаланишга топширилган бўлиб, Навоий, Бухоро, Самарқанд вилоятлари ва Навоий шаҳри аҳолиси ва саноат корхоналарини электр энергияси билан таъминлашга хизмат қилади.
Изоҳ (0)