LG Electronics компанияси Knock Code функциясига эга бўлган LIII (L40, L70, L90) смартфонлар сериясини сотувга чиқарди. Бу смартфонларда ихчам ва классик дизайн, аниқ тасвирга эга IPS дисплей, иккита SIM-карта жойлаш имкони, кучли процессор ва аккумулятор билан бир қаторда, энг муҳими, ахборотнинг ишончли ҳимояси мужассамлашган. Бу ҳақда LG матбуот хизмати хабар берди.
LG компанияси олинган маълумотларни ўрганиб чиқиб, фойдаланувчилар кунига ўз смартфонларини юздан ортиқ маротаба блокдан чиқаришларини аниқлади. Математик ҳисоб-китобларсиз ҳам кўриниб турибдики, оддий туюлган бу ҳаракатларга қанча кўп вақт сарфланади. «Тук-тук» деб аталаши одат тусига кирган янги Knock Code функцияси смартфонни унинг экранига икки марта «уриш» билан блокдан чиқариш имконини беради. Унинг ишлаш принципи жуда ҳам оддий ва у ҳар доим бенуқсон ишлайди. Бу ечим телефон фойдаланувчиларига телефонни ёқиш тугмасини босиш заруратидан халос бўлишларига имкон беради.
Асосини экранга бармоқни тегизиш нуқтаси ташкил қилувчи ишончли парол ўрнатиш ёки дисплейга бармоқ тегизиш нуқталари ёритилмаган ҳолда ишлайдиган 86 367 та қўллаш мумкин бўлган комбинациялардан бирини танлаш мумкин. Киритиладиган парол комбинацияси иккитадан саккизтагача бармоқ тегизишларидан иборат бўлиши мумкин.
LG Electronics Mobile Communications компаниясининг президенти ва бош ижрочи директори жаноб Пак Чонсон: «LG компаниясининг муҳандислари бизнинг фойдаланувчиларимизни хавфсизлик ва қулайлик билан таъминлаш учун Knock Code созлашини ишлаб чиқишда кўп куч сарфлади. Кенг омма учун Knock Code функциясига йўл очиш қарори мобил қурилмаларни, биринчи навбатда, улардан фойдаланишда қулайликни таъминлаш ҳисобига ўзига хос модел яратишимиздаги интилишларимизга тўлиқлигича мос келади».
Барча моделлар (L40, L70, L90) нозик ишлов, металл ранглар ва дисплей атрофидаги ингичка рамкани ўз ичига олувчи L-сериясининг энг яхши анъаналарига хос бўлган дизайнга эга. LIII смартфонлари Android 4.4 KitKat операцион тизими ва премиум синфга хос бўлган фойдаланувчи функциялари билан жиҳозланган. Truе IPS дисплейи бир вақтнинг ўзида аниқ тасвир ва тиниқ рангларни акс эттиради. Бу сериядаги смартфонларнинг яна бир муҳим афзалликларидан бири узоқ вақт алоқада қолиш имконини берувчи кучли батарейага эгалигидир.
Ушбу моделда камерани тез ишга тушириш имконияти мавжуд бўлиб, буни смартфоннинг орқа қопқоғида жойлашган камерани дарҳол ишга тушириш мосламаси орқали амалга ошириш мумкин.
LG L90 смартфонида инфрақизил узаткич (маиший техникани бошқариш учун QREMOTE бошқариш пульти) ўрнатилган бўлиб, эндиликда телефондан бошқариш пульти ўрнида ҳам фойдаланиш мумкин.
Изоҳ (0)