Бухорода умумтаълим мактаблари, академик лицей ва касб-ҳунар коллежи ўқувчилари ўртасида «Солиқ билимлари — болаларга!» республика кўрик-танловининг вилоят босқичи бўлиб ўтди. Унда қуйи босқичларда ғолиб чиққан 48 нафар ўқувчи ўз билимини синовдан ўтказди, деб ёзади ЎзА.
Ўзбекистон Давлат солиқ қўмитаси, Халқ таълими вазирлиги ҳамда Ўрта махсус, касб-ҳунар таълими маркази ҳамкорлигида анъанавий тарзда ўтказиб келинаётган мазкур танлов ўқувчиларнинг солиқ соҳасига оид билимларини янада бойитишга хизмат қилмоқда.
Танлов шартларига кўра, умумтаълим мактабларининг 1-4 синф ўқувчилари «Солиқ тўғрисидаги тушунчалар акс эттирилган расмлар чизиш», 5-9 синф ўқувчилари «Солиқ мавзусини ҳикояларда акс эттириш», академик лицей ва касб-ҳунар коллежи ўқувчилари «Ўзбекистон Республикаси солиқ сиёсати» мавзусида иншо ёзиш ҳамда «Солиқ нима учун тўланади ва нимага сарфланади?» мавзусида компутер тақдимоти бўйича беллашди.
Бухоро шаҳридаги 34-умумтаълим мактабининг 3-синф ўқувчиси Миржаҳон Исломов, 17-умумтаълим мактабининг 9-синф ўқувчиси Сардор Маҳмудов, 21-умумтаълим мактаби 6-синф ўқувчиси Севил Ҳикматова, Бухоро шаҳар солиқ коллежи ўқувчилари Собир Намозов ва Зариф Камолов ўз йўналишларида ғолиб деб топилди ва танловнинг республика босқичида иштирок этиш ҳуқуқини қўлга киритди.
Изоҳ (0)