Тошкент ботаника боғи йирик кўламдаги реконструкция ишларидан сўнг, биринчи ташриф буюрувчиларни қабул қилишга тайёргарлик кўрмоқда. Бу ҳақда Podrobno.uz хабар берди.
Маълум бўлишича, қайта қуриш ишлари жорий йилнинг бошидан ўтказилиб келинган. Боғнинг расмий очилиши 1 май куни бўлиб ўтади, бироқ унгача — 19 апрелда бу ерда Наврўз байрами нишонланади. Байрамга барча хоҳловчилар ташриф буюриши мумкин.
Нашрнинг эслатишича, шу йилнинг февралида Ўзбекистон ҳукумати Ботаника боғини реконструкция қилиш ҳақида қарор қабул қилган. Унга кўра, боғнинг қиёфаси қайта шакллантирилиб, унинг ҳудудидаги ҳар бир бўлинмача дунёнинг маълум бир минтақасини эслатиши лозим. Алоҳида майдонларнинг ҳар бири муайян вазирлик ёки идоралар зиммасига юкланган.
Изоҳ (0)