Алишер Усмонов кетма-кет учинчи йил Forbes журнали эълон қилган «Россиянинг энг бадавлат 200 бизнесмени» рейтингида етакчилик қилди. Бу ҳақда «Интерфакс» хабар берди.
Усмонов «Металлоинвест», «Мегафон», Mail.ru Group’нинг асосий хўжайини ва Facebook’нинг сармоядори ҳисобланади. Унинг даромади бир йил ичида 1 миллиард долларга ошиб, 18,6 миллиард долларга етди.
Рейтингдаги иккинчи ўринни «Альфа-Групп» эгаларидан бири Михаил Фридман сақлаб қолди. Унинг мол-мулки 1,1 миллиард долларга ошиб, 17,6 миллиард долларни ташкил этди.«Ренова» гуруҳи хўжайини Вексельберг ўз мулкини 2,1 миллиард долларга кўпайтириб (17,2 миллиард доллар), тўртинчидан учинчи поғонага чиқиб олди. Ундан кейинги ўринни эгаллаган Новолипецк металлургия комбинати раҳбари Владимир Лисин эса тўрт поғона юқорилади (даромади 2,5 миллиард долларга ошиб, 16,6 миллиард долларга етди).
Ўнликка шунингдек, «Новатэк» ва «Сибур» эгаларидан бири Леонид Михельсон, Volga Group хўжайини Геннадий Тимченко, «Лукойл» раҳбари Вагит Алекперов ва бошқалар ҳам кирди.
Изоҳ (0)