Artel Perfect1 смартфонини Тошкентда 650 минг сўмга харид қилиш мумкин

Аrtel компаниясининг топ-смартфони Artel Perfect1 пойтахт савдо расталарида 650 минг сўмдан сотилмоқда. Бу ҳақда mobinfo.uz хабар берди.

Аввалроқ смартфоннинг техник хусусиятлари эълон қилинган эди.

Эслатиб ўтамиз, Artel Perfect1 икки симкартали смартфон бўлиб, Jelly Bean Android 4.2.2 операцион тизимида ишлайди. 4,7 дюймли 1280×720 ўлчамдаги экранга эга.

Смартфон 4 Гб ички ва 1 Гб тезкор хотира билан таъминланган. 32 Гб гача ташқи хотира картасини ўрнатиш мумин. 8 ва 2 мегапикселли орқа ва олд камералари бор.

Artel Perfect1 оқ ва қора корпусларда тақдим этилади. Телефоннинг ўлчами 134×68×7,9 мм. Оғирлиги 122 грамм.

Смартфон мини-USB сими, наушник, кафолат талони (кафолат ва бепул хизмат 1 йилга), фойдаланиш кўрсатмалари китобчаси билан бирга сотилади.