12 апрель, шанба куни «Пахтакор» Марказий стадионида соат 17:30 да бошланадиган «Пахтакор»—«Олмалиқ» баҳсини томоша қилиш учун ташриф буюрганлар iPhone 5 телефонини ютиб олиши мумкин. Sports.uz’нинг хабар беришича, чипталар харид қилган томошабин «Омадли мухлис» совринли ўйини иштирокчисига айланади.
Стадионга ташриф буюрган ишқибозлар 2 та iPhone 5 телефонидан ташқари, «Пахтакор» тарихи ҳақидаги китоблар, клуб рамзи туширилган шарф ва бошқа эсдалик совғалар, DVD-плеер ҳамда 2 дона LED телевизорини ҳам ютиб олиш имкониятига эга бўлади. Шунингдек, ўйин давомида стадионда томошабинларга турли салқин ичимликлар ва озиқ-овқат маҳсулотлари улашилади. Стадионда мухлислар учун барча қулайликлар яратилади.
Чипталарни «Пахтакор» Марказий стадиони кассаларидан харид қилиш мумкин. Чипталар 2000 сўм ва ундан юқори нархларда сотилмоқда, — дейилади клуб расмий сайтидаги маълумотда.
Изоҳ (0)