Шимолий Кореяда «Пхенян» смартфонининг янги – «Пхенян Тач» (Pyongyang Touch) номини олган модели ишлаб чиқарилди. Бу ҳақда The Wall Street Journal хабар берди.
Қайд этишларича, янги қурилма айниқса талабалар ва амалдорлар орасида оммабоп, чунки «Пхенян Тач»га хорижий тиллар луғати ўрнатилган. Бунда айнан қайси тиллардан таржима қилиш мумкинлигига ҳозирча аниқлик киритилмаган, деб ёзади «Кун» нашри
«КХДРнинг деярли ҳеч бир фуқаросида жаҳон интернетига на шахсий компьютер орқали, на мобил қурилма орқали уланиш имконияти бор», – дея қайд этади газета.
«Пхенян Тач» пушти, кўк ва оқ рангли корпусларда савдога чиқарилган. Нашрнинг қўшимча қилишича, ушбу ахборотни бошқа мустақил манбалар орқали тасдиқлатиш ёки рад этиш имкони ҳозирча топилмаган.
Изоҳ (0)