Қирғизистонда фигурали учиш бўйича 5—16 ёшли спортчилар ўртасида ўтказилган халқаро турнирда Ўзбекистон вакиллари битта олтин, учта кумуш ва тўртта бронза медални қўлга киритди. Бу ҳақда Ўзбекистон Миллий Олимпия қўмитаси матбуот хизмати хабар берди.
Ўзбекистон, Қозоғистон ҳамда мезбон спортчилар ўртасида ўтказилган мазкур халқаро турнирда Анастасия Сазанованинг чиқиши ҳакамлар томонидан юқори баҳоланди ва истеъдодли спортчимиз энг юқори балл жамғариб олтин медалга сазовор бўлди.
Ўзбекистон терма жамоаси ҳисобига кумуш медалларни Рустам Каримов, Тимур Звягин ва Амирхон Исматуллаев келтирган бўлса, Муҳаммаджон Еркебаев, Шоҳсанам Тоҳирова, Дария Свободина ва Мария Одайник бронза медали билан тақдирландилар.
Энди Ўзбекистоннинг фигурали учиш вакиллари 2014 йилнинг 25—27 апрель кунлари Россиянинг Одинцова шаҳрида ўтказиладиган халқаро турнирда иштирок этади. Мазкур халқаро турнирда олти нафар спортчимиз ғолиблик учун кураш олиб боради.
Изоҳ (0)