Тошкентда ёғган апрель қори шов-шув ва ҳайрат билан бирга, қишлоқ хўжалигига баъзи ноқулайликларни келтирди.
«Уз24» нашрининг ёзишича, мутахассислар ушбу ҳолат ўсимликларнинг физиологик аҳволига таъсир қилишини таъкидламоқда.
Мева ва сабзавот етиштириш билан шуғулланувчи фермерлар эса, аксинча кечки қорнинг ўзига хос фойдаси борлигини айтмоқда. Маълум бўлишича, у тупроқ унумдорлигига ижобий таъсир қилиб, дон ва полиз экинлари ҳосилдорлигини ошириши мумкин.
Сабзавотларнинг дастлабки ҳосили апрелнинг сўнгги ёки майнинг биринчи ўн кунлигида кутилаётгани сабабли, уларга об-ҳавонинг кескин ёмонлашуви зарар етказмаслиги тайин. Бироқ кучли шамол ва қор гуллаб улгурган ўрик ҳамда гилос дарахтларини деярли нобуд қилди.
«Агар об-ҳаво тез орада яхшиланиб кетса, салбий оқибатлар бартараф бўлиши мумкин», — деди боғбонлардан бири.
Изоҳ (0)