ФИФА ташкилоти Каталониянинг «Барселона» клубига нисбатан жазо чораларини қўллади. Жамоа 2015-йилнинг ёзига қадар ўз футболчиларини сотиш ва янги футболчилар сотиб олиш ҳуқуқидан маҳрум қилинди. Бу ҳақда ФИФА расмий сайтида маълумот чиқарилган, деб ёзади «Спорц.ру» маълумотига таяниб «Уфф.уз».
ФИФА томонидан бундай қарор чиқарилишига «Барселона» 2009-йилдан то 2013-йилга қадар 18 ёшгача бўлган футболчилар билан шартнома имзолаш борасидаги қоидани бузгани сабаб бўлган. Клубга вазиятни ўнглаш учун 3 ой муддат берилган.
Бундан ташқари, «Барселона» 450 минг Швейсария франки миқдорида жаримага ҳам тортилган. ФИФА, шунингдек, Испания футбол федерациясини ҳам худди шундай қоида бузилиши учун 500 минг франк миқдорида жаримага тортган ва бир йил давомида бу муаммони бартараф этишни талаб қилган.
«Уфф.уз»нинг хабар беришича, «Барселона» клуби ФИФА томонидан трансферларга қўйилган тақиққа тезда муносабат билдирган.
Клуб хотиржамликни сақлаб турибди. Иш рисоладагидек давом этмоқда. Бизда бу айбловга жавоб бериш ва ўз ҳаракатларимизни тушунтириб бериш учун 90 кун вақт бор, — дейди клуб вакили.
Изоҳ (0)