Америка махсус хизматлари АҚШ фуқароларининг телефон суҳбатларини ҳамда электрон почта орқали мулоқотларини суднинг тегишли қарорисиз кузатиб боришади, дея хабар беради «ИТАР-ТАСС».
Бу ҳақда сенатор Рон Уайден сўровига жавобан АҚШ Миллий хавфсизлик агентлиги (МХА) директори Жеймс Клеппер юборган хатда маълум қилинган. 28 март куни жўнатилган хат ҳақида Уайден ҳамда унинг ҳамкасби – сенатор Марк Юдолл ҳамкорликда тайёрлаган қўшма баёнотда сўз боради.
Уайден ва Юдолл АҚШ махсус хизматларининг ушбу ишини қаттиқ танқид қилишган. Уларнинг фикрича, электрон разведка билан шуғулланувчи мамлакат Миллий хавфсизлик агентлиги америкаликларнинг телефон қўнғироқлари ҳақида катта ахборот тўплашдан ташқари, «ордерсиз тарзда уларнинг шахсий хабарларини ҳам ўқишлари»ни энди жамоатчилик билади. «Бу эса номақбул ва МХА фаолияти АҚШ конституциясига тўғри келиши борасида жиддий саволлар келтириб чиқарувчи ҳолатдир», – дейилади баёнотда.
Аввалроқ МХА МЙСТИC дастури орқали бутун мамлакат ҳудудидаги барча қўнғироқларни ёзиб олиш имконини қўлга киритганлиги хабар қилинган эди.
Изоҳ (0)